"O bosque encantado"

Había unha vez un bosque encantado. Visto dende fóra parecía tenebroso; pero, en troques, por dentro esta cheo de luz e de vida.

A súa aparencia servíalle aos animais para protexerse dos cazadores.

Un bo día un rapaz loiro e valente chamado Lucas, xogando co seu can, escapóuselle para o interior e seguiuno. Entrou e viu que por dentro non daba medo. Os animais suplicáronlle que non o contase porque os matarían; loxiocamente, el gardou o segredo.

O neno foi facéndose maior, e quixo ser menciñeiro para axudar a curar enfermos. Grazas ao seu avó e ao amor á natureza, aprendeu moito sobre as plantas e os seus poderes curativos.

Pero un veciño tíñalle envexa, mentiu e dixo que facía bruxaría. Tivo que fuxir do seu fogar para protexer á súa familia.

Lembrou que de pequeno descubrira o segredo encantado, polo que decidiu irse a vivir ao bosque.

El quería seguir axudando, intentouno por internet mais non había cobertura...

Todas as persoas de bo corazón sempre encontrarán o camiño para o fogar de Lucas.

Nicolás Gómez