"O portal imaxinario"

Había un portal imaxinario no que só os nenos/as podían pasar a través do devandito mundo de criaturas. 

Dúas rapazas adentráronse  e cando o cruzaron, encontraron un fermosísimo mundo.

Unha criatura acerrcouse e díxolles:

- Non teñades medo, somos pacíficos e moi amables, serei o voso guía.  

Un pouco sorprendidas, susurrando, responderon:

- De acordo.

- Veña, pois empecemos co bosque de bolboretas e os raposos. Veña, ensínovos o camiño.

Máis ou menos, tardaron un cuarto de hora en chegar; quedaron coa boca aberta. Había millóns de bolboretas de todas as cores e formas. O guía ríase ao ver a cara que poñían.

Logo foron á sabana, había tigres e leóns; e, por último, ao lago de picnic.

O guía comentoulles que xa era hora de que volvesen ao seu mundo.

As nenas déronlle as grazas e unha aperta moi forte.

- A ver cando podemos descubrir sitios tan interesantes e bonitos.

Cando atravesaron o portal, déronse conta que "só o estaban imaxinando".

A nai gritou dende a casa: Hora de cear! Foron correndo, xa tiñan fame.

Dende ese día quedaban todas as tardes para facer voar a súa imaxinación.

Tania