"As Fragas do Eume"

Este fin de semana aproveitando a “desescalada”, a miña familia e máis eu decidimos ir de viaxe ás Fragas do Eume. Coma iamos coa autocaravana tivemos que aparcar nunha área privada, a cal estaba no medio do monte e era moi bonita. O problema era que obviamente había moi pouca cobertura, polo que  pola noite che aburrías un pouco... Pero ao fin e ao cabo non a necesitabamos para gran cousa, xa que se estás no monte e para respirar o aire fresco e xogar fóra, non para estar encerrado na autocaravana co móbil ou tablet.

Chegamos o venres pola noite, polo que só nos deu tempo a ver un pouco e meternos dentro, facía moito frío. Á maña seguinte decidimos ir facer unha das tres rutas que había marcadas na area, todas polo monte. Nós fixemos a máis longa de todas, a de 5 Km. Esta foi unha marabilla de ruta, xa que non era moi dura e tamén porque era a única na que se podía ver dende un miradoiro o mosteiro de Caaveiro. A verdade é que despois de estar tanto tempo na casa e de repente estar no monte sentinme máis libre. Cando chegamos xa era a hora de xantar, polo que coma había uns merendeiros ao aire libre, xantamos alí. O domingo facía moi bo, polo que fixemos un churrasco e chourizos nas grellas que alí había e despois aproveitamos o máximo para xogar antes de irnos.

A min encantoume a experiencia de ir polo monte, e coma non as Fragas do Eume, polo que cando acabe todo isto recoméndovos que vaiades de excursión.

Álex