"Por fin praia!"

Como xa sabedes, despois de varios días de sufrimento (non esaxero, só digo a verdade) xa por fin podemos gozar un pouco máis. Aínda que xa podíamos saír unha hora, sempre sentía como se me faltase algo… E ese algo era o mar!! 

Dende primeiros desta corentena xa tiña ganas eu de ir ao mar a mollarme!  Seguro que vos tamén, non si?  Estrañaba xogar coas miñas amigas na area e na auga da praia. Unha das    desvantaxes MAIS grandes é cando estás na auga e  hai xente coñecida, pois tes que gardar igualmente a distancia de  seguridade, a min iso no sei si parece inxusto ou xusto. Mellor é facelo para evitar contaxios.

Onte POR FIN  puiden ir alí por primeira vez en meses. Notei que xa me sentía libre. Bañeime varias veces, xoguei coa area, din paseos e estiven cunha amiga que estaba alí. Total, que ese día foi o mellor de todos.

Hoxe vouno repetir porque fai moi bo tempo. Seguramente vouno pasar moi ben, aínda que terei que estar menos tempo porque pola tarde debo ir a Acopros (a asociación onde está o meu logopeda). Ademais tamén debo cumprir coas miñas obrigas!

Como son a praias da vosa cidade? Xa  vos bañastes?

Que vos gusta máis, a praia ou a piscina?

Sara Lago